انا اعتبر عادي لو صحي كل ساعتين..

بس اهم شي يكون في روتين يعني خلاص طول اليوم ينام naps و آخر اليوم النومة الطويلة..

حتى لو صحي فيها عادي بس اهم شي النور مطفي و الجو مهيأ للنوم و ماتلعبيه و لا تكلميه..

ترضعيه أو تغيريله و يرجع ينام.. لو مانام معناه يبغى يصحى شوية..

ضروري تعرفو انه في الوضع الطبيعي البيبي دا العمر مايقدر يجلس صاحي كتير في الليل..

يعني بالكثير ساعة.. اصبري معاه و اجلسي شوية غيريله جو و اخرج من الغرفة لو كان يبكي.. أو سيبيه شوية لا تضغطي عليه و لا على نفسك انه ينام.. لأنه مصيره يتعب و ينام تاني..

و لو كان موضوع بكى و مغص اعطيه أدوية المغص و اصبري عليه.. الأشياء اللي تخلي البيبي يبكي محددة و معروفة.. حاولي تمري عليها وحدة وحدة وراح تعرفي في النهاية ليش بيبكي جيعان نعسان بردان أو حران ممغوص طفشان و يبغى لعب (غيري المكان أو ابدأي لعبيه..) مايبغي ينام فكي النور و اجلسي شوية معاه كلميه أو مريض لا سمح الله في النهاية راح ينام

صدقوني بس الموضوع يحتاج صبر و روتين منظم