الماكروبيوم هو الجراثيم

الجراثيم الموجودة في العالم في البكتيريا في الفطريات في الفيروسات في الطفيليات وهكذا..

الانسان ككتلة تقريبا مكون من 10 تريليون خلية الماكروبيوم تتكون تقريبا من خلية 200 تريليون خلية يعني الانسان بيشيل 90% من وزنه جراثيم لا نراها

ومتواجدة في الشعر في الجلد في الامعاء اكتر مكان تتكاثر فيه.. هادا تعريف الماكروبيوم عبارة بكتيريا وفيروسات ووفطريات وطفيليات موجودة في كل حتة في جسم الانسان واكتر شي موجودة في الامعاء الغليظة.

الماكروبيوم اما مفيد او خبيث لانه في التوازن بين نوعية الماكروبيوم هو اللي حيديني ماكروبيوم صحي او مو صحي طبعا اتكلموا عليها العلماء من 1600 سنة تقريبا جاء عالم روسي قال انه الجراثيم الخبيثة تقوي مناعة الانسان وانه المعدة بيت الداء كان مثلا يشرب الحاجات اللي فيها جراثيم ومايسيرله شي وجربها مع واحد من اصحابة وكان حيموت.. لكن هو يعتمد على الماكروبيوم الموجودة في جسمنا هل هي خبيثة ولا طيبة

كيف نخلي الماكروبيوم خبيثة؟ الطفل اول ماينولد يبدأ يكون ماكروبيوم ويكملها على 3 سنين وبعد كدا يا يحسنها يا يقللها، الطفل اللي اتولد طبيعي حيصير عنده جراثيم من القناة المهبلية حقت الأم وانتو بكرامة دي اول جراثيم ياخدها الطفل اثناء مروره من المكان دا، ممكن ياخدها قبل لو الأم جاها إلتهاب لو الام ولدت قيصري ماحياخد الجراثيم الحميدة لو الام رضعت طبيعي حياخد جراثيم حميدة لو تغذيته سيلمة بعد كدا حياخد جراثيم حميدة.. لو بدأ ياخد مضادات وادوية الحرارة العالية وادوية الحكة ادوية الحموضة دي ممكن تأثر على سلامة الماكروبيوم، الحاجات السيئة زي السكريات والمصنعات والمحفوظات والمعلبات دي كلها تزود من سوء الماكروبيوم لكن الأطعمة الطازجة زي الزبادي والمخللات الورقية زي الكرنب والملفوف بتزود من تحسن الماكروبيوم.

البروبايوتك موجود في الطبيعة كجراثيم حميدة موجود في الحليب الطبيعي وبعض الأدوية ولكن لا الأم اللي ترضع طبيعي وتغذية سليمة ماانصح بالأدوية لأنك حتلاقيها في الطبيعة.

ثلاثية الماكروبيوم اللي هي:

١- التغذية السليمة تنقسم لنشويات بروتينات فواكه خضروات وابتعد عن السكريات والمعلبات والمحفوظات

٢- النفسية السليمة

٣- البروبايوتك اللي هي الجراثيم الحميدة (كيف)؟ لقو الجراثيم الحميدة موجودة في مناطق زي مثلا اللي يشتغل في مزرعة ويمسك البقرة والزرع ويجي ياكل صح بيغسل يده بس بيبقى جراثيم حميدة يكتسبها من النقطة دي انا ضد الأم اللي تستعمل صابون يقتل البكتيريا 99% لأنه احنا نحتاج البكتيريا دي.

باختصار كيف نحسن الماكروبيوم؟ عن طريق التغذية السليمة انا دائما أقول للأم اللي طفلها مناعته ضعيفة اديني 3 شهور من التغذية السليمة اوعدك انه حاجات كتير حتتحسن. امريكا بدؤا يفكروا في الحاجة دي من 10 سنين تقريبا عملوا بنوك لإخراج فضلات الإنسان اللي عنده مناعة كويسة فكانوا ياخدوا الإخراجات دي ويحقنوها في امعاء الاشخاص التعبانين لأنه لقوا في حالات بكتيريا منيعة جدا بتقتل الاشخاص واول حالة من 10 سنين نقلولها ماكروبيوم من احد الأشخاص واتعافى بعد 14 يوم وانا اتوقع مستقبلا حتسير بنوك لمعالجة السكر ومختلف الأمراض..

بالإضافة الى التطعيمات اللي في ناس كتير ضدها هي صحيح جراثيم لكنها مخففة وتحفز الجسم انو يكون مضادات حيوية وخلايا حية.. ف التطعيمات بتزود من صحة الماكروبيوم والرياضة والماء.

اثر سوء الماكروبيوم :

ممكن يأثر على الامراض المزمنة في المعدة زي السمنة والاسهال والامساك… وممكن يقلل مناعة الشخص ويأثر على نموه…

النفسية كمان.. لو جا شخص قال انا نفسيتي تعبانة ولا مخي ضارب عشان ما اكلت كويس! صح.. الامعاء اللي فيها ماكروبيوم سليم بتكون كيماويات مسؤولة عن عدة امور زي الدوبامين والسلايتونين والكولين.. مثلا السرايتونين مسؤول عن النفسية الطيبة للشخص فكل ماكانت كويسة كل ماكان الانسان نفسيته أحسن.. وحتى مريضين الامراض العصبية والتوحد والزهايمر لقو انو تحسين التغذية بيأثر على تحسنهم.. بالنسبة للسمنة عملوا تجربة ونقلوا مايكروبيوم من فيران سمينة لفيران ضعيفة سار عندها سمنة.

نصيحة: ناكل كويس مانغسل بالصوابين اللي تقتل 99% البكتيريا ولا تتروشوا بالديتول.. ممكن تجيبوا حيوانات اليفة بس تكون نظيفة

.