
مساء الخير
انا ام اية حبيت اشاركم قصة بنتي مع الارتجاع.
من اول ماولدت بنتي وانا كنت الاحظ انها بعد كل رضعة لازم ترجعو كلو وكنت احسب انو شي عادي كانت تشرق شوية بس قلت عادي كل الاطفال كدة حاولت اقرأ وأشوف المفروض الاطفال اللي يرجعو كثير كيف يرضعو واحرص اني انومها على الجنب .
ولمن كملت شهر ، كنت خارجة مع اهلي بنتمشى و اية كنت مرضعتها ونائمة قبلها تقريبا بساعة فجاة تشرق ومهي قادرة تتنفس واصرخ في المكان مااعرف كيف ممكن اخليها تتنفس وجو ناس يساعدوني و قلبوها ((ودا كان غلط )) و مهي قادرة حبييتي تاخد نفسها وسار لونها احمررر على زراق وانا خلاص روحي بتروح مني على طول رحت لدكتور همام وفحصها وقلي الافضل تروح طوارى ورحنا الطوارى و تحاليل وأشعة و إبر حبيبتي ربي يحفظها ٥ ايام فالمستشفى بعدين قالولي الدكاترة انو عندها مرض الارتجاع المريئي و حساسية من منتجات البقر والأفضل اعطيها صناعي حيخفف الارتجاع ومن دا الكلام ((وبيني وبينكم ماكنت واثقة كثير في الدكاترة كان الله يسعدو ويفرح قلبو دكتور همام اول بأول معايا ارسلو نتايج التحاليل وكل شي كان ثقتي بعد ربنا سبحانه وتعالى )) المهم كتبولي حليب صناعي لبنتي وجوا قلبي كنت رافضة لاني مصررررررة أرضع بنتي طبيعي وانو مافي احسن من شي ربي رزقني بيه لبنتي واستبدلو بصناعي .. المهم تاني يوم رحت لدكتور همام وجلسنا واتكلمنا وكان مؤيد كبير ليا اني اكمل طبيعي و كتبلي دواء يخفف الشرقات استمريت عليه والحمد لله الحمد لله ياررررب بنتي ربي يحميها ويحفظها ويباركلي فيها كملت ٤ شهور ماشاء الله رضاعة طبيعية الحمد لله لسه الارتجاع موجود ولكن مبسوطة وسعيدة لله الحمد انو دكتور همام كان جمبي بعد الله اني اكمل طبيعي ومااستسلم لكلام الدكاترة اني اعطيها صناعي افضل لحالة بنتي مع الارتجاع وباذن الله ربي يعطيني القوة و الصبر وأكمل سنتين باذن الله تعالى …
مافي اغلى من اولادنا ربي يحفظهم يارب ولو كنت اعرف أهمية وفائدة الرضاعة الطبيعية كان اخترتو لبنتي الاولى وكملت للنهاية..
رؤى غبره ام اية